Ако сакате да го подобрите односот со партнерот, од клучно значење е да научите ефективно да комуницирате едни со други - без лутина, презир и вина.
За жал, повеќето од нас реагираат импулсивно и непромислено кога сме среде жестоки дискусии, а тоа може да биде многу штетно за врската. Дисфункционалната комуникација вклучува избегнување, обвинување, презир и потреба секогаш да се биде во право.
Луѓето прават различни грешки кога комуницираат и решаваат проблеми. Некои се темпераментни па не можат да го контролираат гневот, додека други целосно ги избегнуваат разговорите кои се неопходни за да се реши проблемот. И двете однесувања на крајот ќе ја оштетат врската.
Добрата вест е дека секој може да работи на своите комуникациски вештини и важно е да се придржува до одредени упатства и алатки кои ќе доведат до попродуктивна и разумна комуникација.
Според експертите, постојат четири комуникациски „бариери“ кои можат да ги уништат дури и најстабилните врски:
Бесот е многу силна, но и потенцијално токсична емоција. Сите понекогаш се лутиме и тоа е сосема природно, но она што го правиме со бесот е всушност пречка за здрава комуникација. Кога се обидуваме да комуницираме со партнерот, најчесто се работи за решавање на одредени проблеми. Но, ако тоа го направиме со викање еден на друг, сигурно нема да го реши проблемот. Целта е да се разбере другата страна, а потоа да се разбереме. Важно е да научите да ги решавате конфликтите на мирен начин.
Според психолозите, ако кон партнерот се однесуваме со презир, тоа е многу лошо. Постапувањето со некого со непочитување или саркастично исмевање се форми на презир. Исто како непријателски хумор, имитирање, потсмев или превртување очи за време на разговор. Таквото однесување не е дел од љубезна комуникација. Во која било форма, презирот секогаш има токсичен ефект врз врската бидејќи изразува гадење. Најчесто е поттикнат од негативни мисли за партнерот и доведува до уште поголеми конфликти отколку до помирување.
Иако избегнувањето не е емоција, тоа се заснова на страв и затоа е водено од емоции. Имагинарниот страв од исходот е најчесто присутен ако некое лице има одредени трауми од детството. На пример, можеби сте биле сведоци на вербална злоупотреба во семејството, па повеќе би сакале да се повлечете и да го избегнувате партнерот отколку да се соочите со проблемите што ве мачат. Некои луѓе едноставно не сакаат да се справуваат со проблеми. Меѓутоа, за да се решат проблемите, важно е да се зборува за нив отворено и искрено.
Ова е една од најчестите комуникациски бариери која е присутна во многу врски, а всушност на овој начин само се обидуваме да го обвиниме партнерот наместо да се занимаваме со сопствените маани. Секој внесува некои свои проблеми во врската, т.н емотивен „багаж“, но за да видиме дека треба да копаме малку подлабоко под површината. На пример, ако треба секогаш да бидете во право, можеби треба малку да попуштите и повремено да правите компромиси. Ако сте склони кон гнев, научете како да го контролирате вашиот темперамент и да ги следите вашите реакции. Дајте си момент и свесно изберете како ќе реагирате пред да одговорите агресивно.