Првиот човек на УФЦ, Дејна Вајт, е снимен за време на новогодишната ноќ во Мексико, како ја удира сопругата.
На видеото што го објави TMZ, се гледа моментот кога 53-годишниот Вајт доби шлаканица од сопругата, по што тој физички ја нападна. Очевидци тврдат дека и двајцата биле пијани.
Во конфликтот морале да интервенираат и нивни пријатели за да спречат посериозен инцидент.
„Со сопругата бевме излезени на новогодишната ноќ и за жал се случи тоа што се случи. Јас сум еден од мажите кои, многупати сте ме чуле да го кажам тоа, осудува насилство врз жените. Во брак сме скоро 30 години, се познаваме од 12 години и очигледно имаме минато низ многу ситуации заедно“, изјави Вајт, а потоа додаде:
„Имаме три деца и ова е една од оние ситуации што е ужасна. Се срамам и во моментов сме повеќе загрижени за децата отколку за себе. Целосно сме фокусирани на семејството. Луѓето ќе помислат сешто за ова и многумина ќе бидат во право. Особено во мојот случај. Никогаш не смееш да кренеш рака на жена. Јас и мојата сопруга се сакаме, долго време сме заедно. Ова е само една несреќна ситуација“, објасни Дејна.
