Ако патувањето е идеален начин да се доживее убавината на древните пирамиди во Гиза, Египет, тогаш „Дигитална Гиза“, направена од Универзитетот Харвард, е најдобрата алтернатива за тоа.
Како што пренесува Nerdist, Digital Giza е дел од проектот „Гиза“ на Харвард – обид да се каталогизира и обопшти архивата и податоците во една база. Истражувачите создадоа дигитална платформа со 3D модели, виртуелни прошетки и други бесплатни интерактивни компоненти, кои им помагаат на луѓето да го истражуваат местото оддалеку.
На пример, може да се движите низ Големата пирамида – најголемото од трите зданија, изградена од фараонот Кеопс околу 2550 година п.н.е. Кеопсовата пирамида не само што е најстаро од седумте древни светски чуда, туку е и единственото што сè уште постои. Другите две пирамиди се Кефреновата и Менкауровата пирамида, изградени од синот и внукот на Кеопс.
Digital Giza нуди и поглед и на Сфингата и други знаментости. На платформата има и виртуелни обиколки на неколку екстравагантни гробници, заедно со уметничките дела и скулптури, кои до ситници може да се видат однатре.
