Пред да стане една од најголемите ѕвезди на 90-тите, Џим Кери беше стенд-ап комичар за кој многумина веруваа дека брзо ќе згасне во заборав.
Но, откако се појави во успешните комедии Ace Ventura: Pet Detective, The Mask and Dumb and Dumber во 1994 година, Кери го зацементира својот статус на холивудска ѕвезда.
Голема улога во градењето на неговата кариера имаше првиот од тие три филма - Ace Ventura: Pet Detective, чија премиера беше во февруари 1994 година. Кери не беше ниту првиот ниту вториот избор за улогата на ексцентричен приватен детектив кој бара исчезнати миленичиња.
Според Far Out, Morgan Creek Productions им ја понудила улогата на Рик Моранис и Дејвид Алан Гриер, но тие не биле заинтересирани. Во еден момент продуцентите сакале да ја ангажираат и Вупи Голдберг, но се откажале од планот откако Кери ја прифатил нивната понуда.
Имено, актерот првично ја одбил улогата, но по две години убедување се премислил. Но, имал еден услов - продуцентите да му дозволат да го преработи сценариото.
„Воопшто не ми се допадна сценариото. Беше ужасно!“, призна Кери за време на едно интервју. Оригиналното сценарио го напиша Џек Бернстин, а подоцна беше преработено од режисерот Том Шадијак и Кери.
„Ми рекоа: ‘Никој не губи во оваа ситуација. Можете да го преработите сценариото. Кога ќе завршите со пишувањето, не мора да работите на филмот ако не сакате’“, се сеќава Кери. „Значи, пишував сцена по сцена, немаше ниту еден ред од оригиналот во новото сценарио. Се запрашав: „Прво, што сакаат луѓето да видат? Што сакам да правам? Што им е интересно на луѓето?“
Во голема мера му помогна Шадијак, кој му дозволи на Кери да се однесува пред камерата како на неговите стенд-ап настапи.
Филмот брзо стана голем хит меѓу гледачите, иако доби различни критики. Со заработка од 107,2 милиони долари, Ace Ventura стана еден од најуспешните филмови во 1994 година и го стави Кери меѓу најбараните комичари на деценијата.
