Најдобриот тенисер во светот Новак Ѓоковиќ е на листата на пријавени играчи за првиот Грен слем во сезоната.
Србинот не сакаше да открие дали е вакциниран против коронавирус, иако тоа е услов за сите играчи, вработени и публика кои сакаат да бидат дел од турнирот во Мелбурн.
Тој е на листата на пријавени играчи која ја објавија организаторите. Како што пренесуваат локалните медиуми, сите кои се пријавени на списокот се вакцинирани.
Првиот рекет во светот ќе се бори за 10. титула на АО, рекордна 21 од Грен слемови.
Вчера исто така беше соопштено дека Ѓоковиќ ќе ја предводи Србија и на АТП купот во Сиднеј.
На листата пријавени во Мелбурн се Данил Медведев, Александар Зверев, Стефанос Циципас, Андреј Рубљов, Рафаел Надал, Матео Беретини, Хуберт Хуркач, Синер, Тим.
Турнирот во Мелбурн почнува на 17 јануари.
