Откако обвинувањата за сексуални напади и недолично однесување на Крис Нот се појавија во медиумите, исплива уште една информација која не му оди во прилог на актерот.
Се појави забраната што актерот ја добил за неговата поранешна девојка Беверли Џонсон во 1995 година, а која тогаш тврдела дека физички ја малтретирал.
Манекенката се забавуваше со Нот од 1990 до 1995 година, а врската заврши со тоа што Џонсон побара привремена забрана за приближување до Врховниот суд во Лос Анџелес.
Во тоа време, Џонсон барала актерот да остане 500 метри подалеку од неа, нејзината ќерка Анансе Симс и нивното куче, тврдејќи дека им се заканувал.
„Крис Нот ме удри со тупаница во градниот кош, ми ги повреди ребрата. Ме удираше со тупаници и ми направи модринки на лицето и телото, поради што морав да побарам лекарска помош“, вели таа во документите што ги објави Page Six.
„На 27 јули 1995 година ми се закануваше неколку пати и ми се јавуваше 25 пати на ден за да ми се закани дека ќе ме убие и ќе ми го уништи лицето. Ми се закануваше и дека ќе го убие моето куче“, рече тогаш таа.
Во октомври 1995 година, судијата потпиша наредба за привремена забрана, а адвокатот на Нот потврди дека парот се согласил на „заемна забрана за приближување“.
Претставникот на Џонсон објасни дека аранжманот траел до 2017 година. Од поранешната двојка било побарано секој од нив да „не го контактира, вознемирува, напаѓа, тепа, му се заканува, сексуално напаѓа, тепа, телефонира или го нарушува мирот на другиот“ и се согласија да избегнуваат да даваат погрдни изјави еден за друг.
Тврдењата на Џонсон за злоупотреба повторно се појавија откако ѕвездата на серијата „Sex and The City“ и сега „And Just Like That“ е обвинет за силување на повеќе жени.