Кошаркарот на Голден Стејт Вориорс, Стеф Кари, постигна 105 тројки во низа за време на вчерашниот тренинг.
Плејмекерот ниту еднаш не промаши шут за тројка во серијата која траеше 5 минути и 10 секунди.
Видеото е објавено на официјалниот Twitter профил на Голден Стејт Вориорс.
Кари беше избран како седми пик на НБА-драфтот во 2009 година од Голден Стејт. Како дел од Вориорс, кошаркарот стана трипати шампион во лигата и двапати ја доби наградата за најкорисен играч во регуларниот дел од сезоната, МВП.
Во историјата на НБА, Кари е трет најпрецизен играч за три поени со 2.495 реализации и најдобар во оваа статистичка категорија од активните играчи.
