За германскиот стратег, денес на чело на Ливерпул, нема дилеми: ниту Салах, ниту било кој друг, туку полскиот голгетер Роберт Левандовски е најдобриот кој некогаш го тренирал.
На прашање на германски Bild кој е најдобриот играч кој некогаш го има тренирано, Клоп не се мислеше долго пред да го даде одговорот.
„Роберт Левандовски. Всушност, не би било воопшто фер да го кажам тоа за било кој друг играч освен Леви“, искрено вели Клоп.
„Што сѐ има извадено од неговиот потенцијал, како се форсираше за да стане играчот кој е денес, тоа е нешто неверојатно“, додава.
Според Клоп, извонредната способност на Полјакот во шестнаесетникот не е само она што го прави неверојатен играч, туку и неговата работна етика и решителност.
„Леви го направи секој потребен чекор за да стане ваква гол-машина. Буквално секој. Тој толку потона во играта, што во секоја ситуација знае што точно треба да направи, на која страна да тргне. Леви е апсолутна машина за голови“.
Клоп е всушност тренерот кој го донесе Роберт во Бундеслигата. Летото 2010 кога беше на чело на Борусија од Дортмунд, Јирген од познањски Лех го донесе тогаш 21-годишниот напаѓач Роберт Левандовски. Во Дортмунд беа заедно 4 години пред Леви да се пресели во Баерн, а наредната година и Клоп си замина, во Ливерпул.
Иако одамна ја заслужуваше, Леви дури лани за прв пат ја освои Златната топка за најдобар играч на годината.
