Квенти Тарантино во младоста се заколнал дека никогаш нема да подели ни пени со мајка му бидејќи наводно таа ја обесхрабрила неговата кариера како писател.
Режисерот и писател, „тежок“ околу 120 милиони долари благодарение на неговите успешни филмови како „Pulp Fiction“, Kill Bill и други, нема да го подели своето богатство со мајка му бидејќи била саркастична поради неговите соништа да стане писател.
58-годишниот режисер во текот на едно гостување се присети кога на 12-годишна возраст пишувал сценарио. Поради тоа имал проблеми со наставниците кои сметале дека премногу се фокусирал на пишувањето наместо на учењето. На неговата мајка секогаш ѝ било тешко поради неговите неуспеси во учењето бидејќи имал проблеми со сите предмети освен со англиски јазик и историја.
Мајка му не верувала во неговиот талент за пишување и саркастично му рекла дека нема да биде ништо од тоа.
„И кога тоа ми го кажа на саркастичен начин си реков себеси во ред, госпоѓо. Кога ќе станам успешен писател никогаш нема да видиш ни пени од мојот успех. Нема да добиеш ништо, нема куќа за тебе. Нема одмор за тебе, нема кадилак за мама. Нема да добиеш ништо за тоа што го кажа“, се присети Тарантино.
Вели дека досега се придружувал на ветеното, освен во случајот кога неговата мајка имала проблеми со даночната управа, но секако никогаш не ѝ купил куќа или кадилак.
„Постојат последици за вашите зборови додека ги раснете децата, запаметете дека постојат последици за вашиот саркастичен тон“, вели тој.
Мајка му Кони го родила кога имала 16 години, а татко му го напуштил семејството непосредно пред неговото раѓање.