Мартина Навратилова, една од најдобрите светски тенисерки во историјата, во САД е обвинета за трансфобија.
Ова е особено интересно ако се знае дека Навратилова е деклариран припадник на ЛГБТИК популацијата.
Сè започна кога турнир за жени над 55 години победник или победничка беше Алиша Раули, трансродова жена.
„Женскиот тенис не е за поранешни мажи, без разлика на нивната возраст. Не е нормално биолошките мажи да се натпреваруваат со жените на рамноправна основа, бидејќи тие се физички далеку посилни. Тоа не е во ред за жените, бидејќи тие сè уште се мажи според нивната конституција. Ја поддржувам промената на полот, но никогаш не би се натпреварувала против таква личност“, рече Навратилова.
На изјавата на Навратилова веднаш реагираше организацијата Trans Actual, која посочи дека ставот на Навратилова е трансфобичен.
Ракел Мекеон, првата трансродова спортистка и светска шампионка во велосипедизам, жестокот ја критикуваше Навратилова.
„Ова е шокантно, вознемирувачко и длабоко трансфобично“.