Во најавата на последните епизоди од документарната серија на принцот Хари и неговата сопруга Меган, двајцата велат дека се искористени за „со нив да ги нахранат волците“.
Уште еднаш го обвинија кралското семејство дека „лаже за да го заштити“ принцот Вилијам, наследникот на британскиот престол.
Во првите епизоди, Меган и Хари зборуваа за медиумското вознемирување и „несвесните предрасуди“ кога станува збор за расизмот.
Но, остатокот од серијата изгледа е доста поексплозивен за кралското семејство со оглед на тоа што ја пренесува нивната верзија од заминувањето од монархијата во 2020 година.
„Не само што ме фрлија на волците, туку и ме искористија за да ги нахранам“, вели Меган во трејлерот за следните епизоди.
„Нормално е да се лаже за да го заштитат брат ми, но не беа подготвени да ја кажат вистината за да нè заштитат нас“, вели во трејлерот Хари за постариот брат Вилијам.
Документарната серија придонесе Хари и Меган да се соочат со уште поголеми критики, многумина ги обвинуваат за лицемерност и непочитување на кралската институција само три месеци по смртта на Елизабета Втора.