Пред канцеларијата на Еди Рама синоќа се одвивала вистинска драма кога маж на возраст од околу 40 години почнал да фрла со камења кон седиштето на шефот на албанската влада.
Обезбедувањето веднаш реагирало и го привело мажот, а според локалните медиуми, уапсен е 45-годишен странски државјанин. Тој наводно е државјанин на Обединетото Кралство.
Уапсениот бил пијан, а сомнежите се дека имал психички проблеми.
Откако бил приведен, тој бил префрлен во болница.
Полицијата соопшти дека инцидентот се случил околу 22:40 часот.
Истрагата е во тек.
