Големиот триумф на „CODA“ беше засенет од скандалот што се случи на 94. доделување Оскари, кога Вил Смит го удри Крис Рок на сцената.
Вил Смит ги шокира присутните кога се качи на сцената откако Рок кажа шега за кратката фризура на неговата сопруга Џејда Пинкет-Смит, му удри шлаканица на Рок и се врати на своето место во публиката.
Семејната драма „CODA“ доби Оскар за најдобар филм во 2022 година, победувајќи ги „The Power of the Dog“ и „Don't Look Up“.
На 94. доделување на Оскарите, најмногу награди собра филмот „Dune“ на Денис Вилнев -вкупно 6, додека Џејн Кемпион стана третата жена која доби награда за најдобра режија (The Power of the Dog).
Оскарот за најдобар актер отиде во рацете на Вил Смит за улогата во „King Richard“, биографски филм за таткото на славните тенисерки Серена и Венус Вилијамс. Џесика Честеј доби Оскар за главна женска улога во филмот „The Eyes of Tammy Faye“.
Филмот „The Power of the Dog“, кој доби најмногу номинации, дури 12, освои само еден Оскар.
Наградата за најдобра споредна женска улога ја освои Аријана Дебоуз за „West Side Story“, додека Трој Коцур доби Оскар за најдобра споредна машка улога во филмот „CODA“.
Јапонскиот „Drive My Car“ освои Оскар за најдобар странски филм.
Погледнете ги најдобрите моменти од Оскарите:
