Фудбалската легенда Пеле почина на 82-годишна возраст во декември 2022 година, а неговото семејство се соочува со правна битка против ексхумацијата на телото на фудбалската легенда.
Телото на Пеле би можело да биде ексхумирано откако жена која тврди дека е ќерка на бразилската икона побарала уште еден ДНК тест.
Бразилскиот печат пишува дека Мариа ду Сокору Азеведу (60) тврди дека е осмо дете на Пеле, а покојниот фудбалски великан, кој се женел три пати, наводно во тестаментот ја признал можноста да е татко на осмо дете.
Тој, наводно, се согласил и на тест за татковство, но починал пред да биде направен.
Се додава дека Марија првпат побарала тестови пред пет години, но здравјето на Пеле, како и пандемијата на COVID-19 спречиле тоа да се случи.
Но, тестот наводно бил направен кога две од биолошките деца на Пеле, Еџињу Насименту и Флавиа Кристина, се согласиле да направат ДНК тестови веднаш по читањето на тестаментот на нивниот татко.
Еџињу, кој е задолжен и за грижата за наследството на Пеле, претходно изјави дека ДНК тестовите биле негативни.
„Веќе ги направивме тестовите и потврдено е дека таа не е наша сестра“, рече тој.
Сепак, адвокатот на Мариа тврди дека новиот ДНК тест ја потврдил големата можност за нејзината крвна поврзаност со Пеле и сега верува дека нема друга опција освен да го ексхумира телото на Пеле за да се реши ситуацијата.
„Немаме друга алтернатива“, изјави тој за Record TV.
Барањето за ексхумација ќе биде поднесено во наредните денови, јавуваат бразилските медиуми.
