Meta, матичната компанија на Facebook, наводно ќе отпушти илјадници луѓе откако минатиот месец се избришани 80 милијарди долари од нејзината пазарна вредност поради светската економска криза.
Како што пишува The Wall Street Journal, се очекува ова да влијае на илјадници вработени во компанијата, која низ светот има вработено 87.000 луѓе.
Meta одби да го потврди извештајот, но портпаролот на компанијата укажа на коментарите дадени од извршниот директор Марк Закерберг минатиот месец.
„Во 2023 година нашите инвестиции ќе ги насочиме кон мал број високо приоритетни подрачја. Тоа значи дека некои тимови значително ќе раснат, но повеќето тимови ќе останат исти или ќе се намалат во текот на идната година“.