Кристијано Роналдо нема да игра на вечерашниот дуел против Ливерпул, соопшти Манчестер Јунајтед.
Синоќа почина новородениот син на Роналдо, кој очекувано ќе го пропушти последниот натпревар од 30. коло во англиската Премиерлига вечерва на „Енфилд Роуд“.
„Семејството е поважно од сѐ и Роналдо е со своето во овие тешки моменти. Затоа, објавуваме дека нема да игра на вечерашниот дуел против Ливерпул, а Роналдо и неговото семејство ве молат да ја почитувате нивната приватност. Кристијано, сите мислиме на тебе“, се вели во соопштението на Манчестер Јунајтед.
Роналдо доцна синоќа на социјалните мрежи објави дека неговата девојка Георгина се породила и на свет донела женско и машко дете, но нажалост синчето починато при пораѓањето.
„Со најдлабока тага ја објавуваме смртта на нашиот син. Тоа е најголемата болка што може да ја почувствува еден родител. Само раѓањето на нашето девојче ни дава сила да го живееме овој момент со малку надеж и среќа. Им благодариме на лекарите и медицинските сестри за сета грижа и поддршка, бараме приватност во овој тежок момент“, се вели во пораката.
Иако Португалецот нема да биде на теренот, навивачите на Ливерпул ќе го поддржат со аплауз во 7. минута од натпреварот.
Натпреварот Ливерпул - Манчестер Јунајтед започнува вечера во 21 часот и важи за најголемо дерби во Англија.
