Баерн Минхен во Катар ќе стане првиот клуб во историјата кој испратил дури 17 играчи на едно Светско првенство.
Баварците го соборија рекордот поставен пред четири години од Манчестер Сити. Во тоа време англискиот клуб имаше 16 претставници во Русија.
Може да се каже дека во рушењето на рекордот помогна фактот дека за прв пат во историјата селекторите можеа да поканат 26 играчи на Мундијалот, но сите играчи на Баерн кои патуваат во Катар имаат доста големи улоги во своите репрезентации. Секако, најмногу ги има во репрезентацијата на Германија (7), додека во Франција се четворица.
Фудбалерите на Баерн на Светското првенство по репрезентација:
Германија (7): Мануел Нојер, Јосуа Кимих, Леон Горецка, Серж Гнабри, Томас Милер, Џамал Мусиала, Лирој Сане
Франција (4): Дајот Упамекано, Бенжаман Павар, Кингсли Коман, Лукас Ернандес
Хрватска (1): Јосип Станишиќ
Камерун (1): Ерик Максим Шупо-Мотинг
Мароко (1): Нусаир Мазрауи
Сенегал (1): Садио Мане
Холандија (1): Матијс де Лихт
Канада (1): Алфонсо Дејвис
