Обично, жените се тие кои се решаваат за одмазда заради лично задоволување за извршена неправда. Токму во нивно присуство мора да внимавате што зборувате за нешто да не се протолкува погрешно.
Но, интересно е што истото важи и за мажите. И тие се чувствителни, иако не сакаат отворено да зборуваат на таа тема. Значи и на жените може да им се случи да кажат нешто што може да го вознемири нивниот партнер.
За да го избегнете тоа, никогаш не ги кажувајте овие реченици:
Не ти успеа, прифати го поразот
Ако вашиот партнер навистина се труди да успее во нешто и тоа не му оди од рака, никогаш не треба да му го потенцирате неуспехот. Обидете се да најдете посуптилен начин да му кажете што мислите за целата работа. Иако не треба да го лажете, сепак не сакате ни дополнително да го повредите зборувајќи му колку е неуспешен.
Мојот бивши ова никогаш не би го направил
Ниту во еден случај не смеете да правите вакви споредби, всушност воопшто не треба ни да го спомнете бившиот.
Глупав ли си, што не е во ред со тебе?
Често се случува во жарот на расправијата да почнеме со навреди кон саканата личност, а потоа да се каеме поради тоа. Уште полошо е ако ваквите зборови ги кажете во јавност, пред пријатели или роднини. Сите караници со партнерот треба да ги водите насамо. Дури и кога не се сложувате со него, не го навредувајте.
Ти си разгалено, мамино синче
Оваа реченица не треба да ја спомнувате во никој случај, освен ако сакате да раскинете. Факт е дека во најголем број случаи мажите имаат силни врски со мајките и голема почит кон нив, истото го очекуваат и од вас. Не е потребно да ја спомнувате мајка му, но мора да ја почитувате. Дури и ако сторил нешто погрешно бидејќи мајка му го научила така, немојте да му кажете дека е разгалено, мамино синче.
