Паприкаш од колбаси, цвекло и јаболка е две во едно. Можете колбаси да ги јадете со леб, а можете да уживате и во ароматичната чорба.
Паприкашот од колбаси, цвекло и јаболко е комбинација од земјеното цвекло, кое е во контраст со јаболката што растат на дрвја, а тука е и и сокот од јаболко со колбасите. Подгответе ги сите состојки додека се пржат колбасите и кромидот.
Потребни состојки:
- 1 лажица масло
- 400 гр свински колбаси
- 1 голем или 2 мали кромиди
- 300 мл сок од јаболко
- 400 мл пилешки или зеленчуков булјон
- 500 гр цвекло
- 1 голем компир
- 1 лажичка сенф
- 3 гранчиња жалфија
- 2 јаболка
Подготовка:
Прво на средна топлина загрејте го маслото во голем сад со капак. Додадете ги колбасите и пржете ги 5 минути додека не поруменат, па извадете ги во чинија. Кромидот исечкан на коцки се става во садот со малку сол и се пржи на тивок оган 5 минути со повремено мешање. Додадете парчиња цвекло и пржете 10 минути.
Малку зголемете ја топлината и додадете го сокот од јаболко. Оставете да врие неколку минути, а потоа истурете го булјонот. Измешајте ги компирот (исечкан на коцки), сенфот и жалфијата (тргнете неколку листа за сервирање). Вратете ги колбасите во садот. Покријте и оставете да крчка на тивок оган 25 минути.
Додадете ги кришките јаболка и динстајте без капак околу 10 минути, додека сосот малку не се намали и зеленчукот не омекне. Зачинете по вкус, исечкајте ги останатите листови жалфија и посипете ги за сервирање.
