Многумина тврдат дека ова е најдобриот рецепт за вкусен спанаќ. Користете павлака за готвење наместо млеко - ќе биде покремаст.
Спанаќот е исклучително здрав, а дополнителен плус е тоа што се подготвува брзо и лесно. Се комбинира со јајца, виршли, месо, а може да се послужи и со пржена храна. Ако сакате да го направите најкремастиот спанаќ кој ќе им се допадне на сите, тогаш додадете пињоли кои му даваат посебен вкус и сварете го со павлака за готвење.
Потребни состојки:
- 1 кг спанаќ
- 6 чешниња лук
- 250 мл павлака за готвење
- 1 лажица пченкарно брашно
- 4-5 пињоли (борови ореви)
Подготовка:
На малку масло пропржете цели чешниња лук и пињоли. Потоа извадете ги од тавата. Спанаќот прво исчистете го, сварете го, па во блендер ставете ги лукот, пињолите и спанаќот. Добро изблендирајте и вратете во тенџерето во кое сте ги пржеле лукот и пињолите. Истурете го пченкарното брашно во павлаката за готвење и добро измешајте, не треба да останат грутчиња. Истурете го спанаќот и варете уште 10 минути со постојано мешање.
