Иако Rolls-Royce е уникатен, тоа не ги спречува луѓето да се обидуваат да го копираат.
Копиите претежно доаѓаат од Кина, а една се појави во Русија и влегува во сериско производство.
Станува збор за модел Aurus Senat, кој постои од 2018 година како концепт, а сега оди во сериско производство. Плановите за овој автомобил постојат од 2013 година, а го возеше и рускиот претседател Владимир Путин.
Детали за автомобилот има малку, а рускиот министер за индустрија Денис Мантуров откри дека оваа година ќе бидат произведени помеѓу 200 и 300 примероци. Како ќе биде опремен, засега не е познато, но се знае дека основната верзија ќе чини повеќе од 200.000 евра.
Rolls-Royce Phantom чини многу повеќе, така што „руската копија“ би можела да биде прифатлива алтернатива, иако не е познато колкава разлика ќе имаат всушност двата автомобили.
Aurus Senat е многу важен за руската влада затоа што се смета за престижен проект за Кремљ и доказ дека на Русија не ѝ треба „западен луксуз“. Во 2014 година, санкциите забранија Русија да увезува стоки и технолошки иновации.
Русите имаат планови и за „копија“ на теренецот Cullinan.
Сепак, тешко е да се поверува дека овие модели ќе се појават надвор од Русија.
