Шон Пен смета дека вакцините против коронавирусот би требало да се задолжителни, споредувајќи ја невакцинираноста со „вперување пиштол во нечие лице“.
Актерот во саботата разговараше со новинар на CNN за напуштањето на филмскиот сет за Gaslit, бидејќи некои членови на тимот не се вакцинирани.
„ Актерите се заштитени, но ако сценографот работи заедно со сценограф кој не е заштитен, може да се разболи“, вели тој. „Не сакав да се чувствувам како соучесник во проект каде се води сметка само за една група, а не и за друга“, порача тој и додаде дека сите би требало да се вакцинирани.
„Верувам дека би требало да биде задолжително, како вклучувањето на автомобилските светла навечер, но очигледно тоа нема да се случи утре. Сепак, може да се случи во некои подрачја и професии, многу компании почнаа да преземаат чекори во тој правец“, вели актерот.
Соопшти дека ќе се врати на снимање кога ќе биде сигурен дека 100% од членовите на екипата се вакцинирани.
Тој ја спореди состојбата со невакцинираност со вперување пиштол во некого.
„Кога станува збор за вакво нешто, не може да одите наоколу вперувајќи пиштол во нечие лице, што и е всушност кога луѓето не се вакцинирани“, порача Пен.
