Што ќе донесе овој ретрограден Меркур за секој хороскопски знак?

Транзитен Меркур се наоѓа во знакот на Скорпија од 27 септември и ќе остане во овој знак до 1 декември годинава. Тој ќе има кратко враќање во знакот на Вага, од 27 октомври до 11 ноември во неговиот ретрограден курс. Целиот негов ретрограден тек ќе биде во периодот од 14 октомври до 3 ноември.

Меркур во знакот на Скорпија е злобен и белјаџија, циничен и критички настроен, но од друга страна е длабоко аналитичен, многу логичен, мислите и зборовите се силни и исто како и Скорпијата - тие „боцкаат“ од прва, смртоносно. Кога е ретрограден, ќе поттикне сè што сме акумулирале долго време да излезе од нас, целиот талог што е акумулиран ќе почне да се врти и да се крева од дното. Скорпијата е знак на тајни и скриеното, а ретрограден Меркур ќе изнесе на површина многу од овие тајни, без оглед колку долго биле скриени. Ќе станеме сомничави и недоверливи, интуицијата ќе работи напорно во нас, испраќајќи ни сигнали дека нешто не е во ред. Вистините што излегоа на виделина нема да бидат пријатни и можат да нѐ шокираат во моментот кога ќе ги дознаеме.

Прочитајте што ќе значи ретроградниот Меркур за секој знак посебно:

ОВЕН - Меркур е во полето на кризи, промени и туѓи пари, како и во полето што управува со партнерства од сите видови, судски процеси и јавноста - зголемени финансиски проблеми, „борба“ за финансиска стабилност, тешкотии при позајмување или земање заеми. Период „Ти фали еден документ“. Тешкотии во деловните и емотивните партнерства, можни прекини.

БИК - Меркур е во полето на партнерства од сите видови, тужби и јавност, како и во областа на здравството, деловниот живот и односите со колегите - недоразбирање во партнерствата, ненадејни пресврти, можни прекини, сомнеж и љубомора. Влошување на деловната атмосфера, тешкотии во комуникацијата со соработниците.

БЛИЗНАЦИ - Меркур е во полето на здравјето, деловниот живот и односите со колегите, како и во полето „задолжено“ за љубов, задоволство, хоби, спорт, креативност, деца - напнатост во деловното опкружување, голем ментален и физички стрес што може да влијае на здравјето. Неможност да се исполнат љубовните желби, враќање на луѓето од минатото за уште една „рунда“ кармички долгови.

РАК - Меркур е во полето што владее со љубов, задоволство, хоби, деца како и во областа која е надлежна за семејството, стабилноста, домот - грижи за семејството, особено за децата, тешкотии за еден од родителите. Чувства на неисполнетост, незадоволство и бавност во емотивни настани, послаба комуникација со оние кои ги симпатизирате. Враќање на луѓе од минатото.

ЛАВ - Меркур е во полето што владее со домот, семејството, стабилноста како и во полето надлежно за комуникација, договори, околина, кратки патувања, роднини - тешкотии за еден од родителите и во приватниот живот, сообраќајни проблеми. Комплицирани и тешки врски со вашите најблиски. Проблеми со документација, парични казни, со автомобилот.

ДЕВИЦА - Меркур е во полето што управува со комуникација, договори, животна средина, кратки патувања, роднини, како и во областа што е надлежна за финансиската стабилност - договорите доцнат, проблеми и недоразбирања во комуникацијата. Отежнато плаќање, натрупување на сметки и долгови, можни казни, дури и присилна наплата.

ВАГА - Меркур е во полето што ја регулира финансиската стабилност, како и во полето на личноста - тешкотии при наплата на побарувања, задоцнети плаќања, ненадејни приливи и уште поненадејни трошоци, компликации при позајмување или кредитирање. Конечно ќе кажете некои работи што ги чувате во себе долго време, но кои можат да влијаат на стабилноста во вашите емотивни, семејни и деловни односи.

СКОРПИЈА - Меркур е во полето на личноста, како и во областа на потсвеста, тајните, соништата, скриеното - силна чувствителност и сомневање, не верувате на никого, преиспитувате и анализирате сè, интуицијата е вклучена максимално. Добивате чудни пораки преку соништа, проблеми со спиењето, несоница. Нагласена љубомора и посесивност, но исто така - можност за влегување во многу комплицирана тајна врска.

СТРЕЛЕЦ – Меркур е во полето на потсвеста, тајни, соништа, скриени како и во полето надлежно за вашите пријатели, социјални врски. Некои прашања и проблеми ве оптеретуваат ментално, па затоа се можни проблеми со спиењето. Сомнеж во искреноста на вашиот партнер. Идеите што ги имате и кои се обидувате да ги реализирате исклучително бавно се остваруваат. Можни проблеми со пријателите, дури и раскинување на врските со некои од нив.

ЈАРЕЦ - Меркур е во полето на пријатели и друштвени врски како и во областа задолжена за кариера, успех, претпоставени, брачен и емотивен статус – можно е да бидете загрижени за некои ваши пријатели, ненадејни промени и изненадувања што ги подготвуваат, нови познанства преку социјалните мрежи. Тешкотии во деловниот сегмент, влошени односи со авторитети.

ВОДОЛИЈА - Меркур е во полето на кариера, успех, претпоставени, брачен и емоционален статус, како и во областа на животната филозофија, вера, патувања, странство, судбина - тензии во деловната сфера и во односите со авторитети, непријатни и ненадејни информации и пресврти. Исто така - проблеми со документи или договори што ве спречуваат да ги исполните своите желби.

РИБИ - Меркур е во полето на филозофијата на животот, религијата, патувањата, во странство, полето на судбината како и во областа надлежна за кризи, промени, туѓи пари, наследства. Ненадејни патувања, но и проблеми на нив - особено со документација. Ако тргнете на пат за да склучите договор, можно е да не го постигнете посакуваниот успех. Тешкотии во финансискиот сегмент, обврски и сметки со чија исплата доцните.