Секоја година, одделот за истражување на IBM објавува публикација „5 во 5“, која вклучува предвидувања за тоа како сите технологии ќе ги променат нашите животи во следните пет години.
Во годинешното издание се потенцира колку е важно да се приближат новите технологии, меѓу кои се вештачката интелигенција и квантните компјутери, додека како област каде што гледаат можности за поголеми чекори напред, се издвојува дизајнот и креирањето на нови материјали, пренесува tPortal.
Потребни се околу десет години и помеѓу 10 и 100 милиони американски долари за да се открие нов материјал со специфични својства. Целта на IBM е да ги намали потребните ресурси за дури 90%.
Еве што предвидува технолошкиот гигант за во следните пет години.
1) Поефикасно ќе го претвориме јаглерод диоксидот од атмосферата во нешто корисно.
2) Ќе можеме да ја имитираме способноста на природата да го претвори азотот од атмосферата во ѓубриво богато со нитрати. Ова ќе го намали штетното влијание на ѓубривата врз животната средина.
3) Ќе откриеме нови материјали за побезбедни и поеколошки батерии, кои ќе се користат за обновлива енергетска мрежа и одржлив транспорт.
4) Ќе го унапредиме производството на материјали, што ќе им овозможи на различни компании нивните производи да траат подолго.
5) Во следните пет години, IBM има план дополнително да им помогне на лекарите и на другите во борбата против нови потенцијално опасни по живот вируси.
