Веројатно ви е позната легендата за крал Артур и Ескалибур, но во најновата серија на Netflix, гледаме малку поинаква верзија од оваа приказна. Станува збор за серијата „Cursed“ чија прва сезона има 10 епизоди премиерно прикажани на стриминг сервисот на 17 јули.
Главното дејство се одвива околу Нимуе или Дамата од езерото. Нимуе е млада девојка која треба да го врати митскиот меч во рацете на Мерлин. Нејзиното патешествие ќе ја соочи со низа предизвици.
Што треба да знаете за новата серија на Netflix?
„Cursed“ е американска ТВ-серија базирана на истоимената илустрирана новела од Френк Милер и Том Вилер. Легендата за кралот Артур овој пат е претставена преку очите на Нимуе, млада хероина со мистериозен дар чија судбина е да стане моќна, но и трагична Дама од езерото. По смртта на нејзината мајка таа утеха наоѓа во Артур, млад платеник со чија помош го пронаоѓа Мерлин за да му го предаде античкиот меч. Нимуе ќе стане симбол на храброст и борба за нејзиниот народ против застрашувачките Црвени паладини и нивниот крал Утер.
Во главните улоги покрај Кетрин Лангфорд како Нимуе се појавуваат и Девон Терел, Густаф Скарсгард, Питер Мулан, Даниел Шерман, Били Џенкинс и други.
Првата сезона засега има позитивни критики, па немојте да ја пропуштите. Во ова интересно видео ќе ја дознаете вистинската приказна за ликовите во „Cursed“, како и актерите кои ги глумат.
