Стари фотографии од мајката на Анџелина Џоли откриваат од кого актерката ја има наследено убавината, но и талентот за глума.
Анџелина Џоли е дете на познати и успешни родители. Од мајка си, актерката Маршелин Бертранд, не ја има наследено само убавината, туку и талентот за глума. Маршелин била голема актерка и хуманитарка и важела за симбол за убавина.
Сега на интернет повторно кружат фотографии од нејзината младост, а според многумина, Маршелин била поубава од Џоли. Анџелина никогаш не ја преболи смртта на мајка си, која почина во 2007 година од рак на јајници. Благодарение на безвремената убавина и талентот, Маршелин почнала да глуми уште од рана возраст и имала бројни понуди. Сепак, решила да се посвети на семејството. Како 20-годишна девојка се омажила за таткото на Анџелина, актерот Џон Војт. Нивниот идеален брак за жал бил одбележан од спонтан абортус во 1972 година, а Маршелин тоа тешко го доживеала. Подоцна се оствариле во улогата на родители, првин го добиле синот Хејвен, па Анџелина.
За жал, бракот не опстанал и се развеле во 1976 година. Подоцна, Маршелин дознала дека нејзиниот сопруг постојано ја изневерувал.
Кога зборува за мајка си, Џоли постојано потенцира дека не ѝ било ништо поважно во животот од децата. Во есеј напишан за мајка ѝ, објавен во New York Times, истакна дека нејзината смрт засекогаш ја променила.
„Губењето на мајчина љубов и топлата, нежна прегратка е како некој од вас да го открие заштитниот покривач“.
Сепак, Анџелина тргна по стапките на мајка си, и самата е посветена мајка, хуманистка и врвна актерка.
„Ако некој некогаш ми каже дека на моите деца сум успеала да бидам мајка како што мајка ми мене ми беше, тоа ќе биде најголемиот комплимент што ќе го добијам“, објасни славната актерка во една прилика.
