Сателитскиот систем за обезбедување интернет на тешко достапни подрачја, Starlink на Елон Маск, наскоро ќе добие конкуренција од Русија.
Русите планираат лансирање мала група сателити за воспоставување комуникација во М2М сегментот (machine-to-machine), порачаа од Дизајнерскиот завод на петтата генерација, дел од технолошкиот парк во Новосибирск.
Модулот, кој би требало да ја тестира можноста на воспоставување ваква комуникација е веќе во вселената, лансиран на 28 септември. Тој нема да биде дел од групата планирани сателити, туку служи за тестирање.
Големиот проект ќе претставува CubeSat платформа која ќе содржи сет неопходни подсистеми за обезбедување интернет. Како ќе функционира и каков ќе биде во споредба со Starlink, останува да видиме.
