Кошаркарите на Бостон го совладаа Бруклин и поведоа со 3:0 во првото коло од плеј-офот на Источната конференција, додека Јута израмни на Западот против Далас и покрај враќањето на Лука Дончиќ.
Откако ги решија првите два домашни натпревари во своја корист, кошаркарите на Бостон Селтикс дојдоа на чекор до пласман во следната рунда од плеј-офот откако ноќеска победија со 109:103, по што сега имаат големо водство од 3:0 во партии.
Иако Бруклин Нетс подобро го отвори натпреварот и рано поведе со 12:2, Бостон направи пресврт до крајот на првата четвртина и до крајот на натпреварот беше тимот со водство итајќи кон победата. На крајот најефикасен беше одличниот Џејсон Тејтум кој постигна 39 поени, додека во редовите на Бруклин се истакна Брус Браун кој постигна 26 поени.
Јута Џез успеа да дојде до израмнување против Далас Маверикс на домашен терен, по што моменталниот резултат во партии е 2:2. На синоќешниот натпревар се виде вистинска драма, а на крајот повеќе знаење и концентрација имаа домашните кошаркари кои славеа со 100:99.
На Далас не му помогна ниту враќањето на Лука Дончиќ, кој синоќа на теренот мина нешто повеќе од 33 минути, постигнувајќи 30 поени со 10 скока и 4 асистенции. Јута, пак, до победата ја предводеше Џордан Кларксон кој постигна 25 поени, а го пратедеше Донован Мичел кој постигна 23 поени.
Торонто на домашен терен ја победи Филаделфија и намали на 1:3 во партии, додека Минесота славеше против Мемфис за 2:2.
Резултати:
Торонто Репторс - Филаделфија 76ерс 110:102 (1:3)
Јута Џез - Далас Маверикс 100:99 (2:2)
Бруклин Нетс - Бостон Селтикс 103:109 (0:3)
Минесота Тимбервулвс - Мемфис Гризлис 119:118 (2:2)
