WhatsApp континуирано им овозможува на своите корисници нови функции, а тие наскоро ќе можат да ја користат истата сметка на повеќе уреди.
Кога точно ќе биде достапна новата функција сѐ уште не е познато, но дефинитивно доаѓа. Корисниците наскоро ќе можат да ја користат својата сметка на повеќе уреди. На интернет се појави скриншот од страницата „register device companion“, која ќе им овозможи на корисниците на уредите со Android да ја поврзат својата сметка на WhatsApp со секундарен или друг паметен телефон. Истата опција ќе ја имаат и корисниците на таблети со оперативниот систем на Google, а сѐ уште не е познато дали ќе биде проширена и на iOS уредите.
Новата страница „register device companion“ ќе им се појави на корисниците кои ќе се обидат да го стартуваат WhatsApp на друг уред. Корисникот ќе може да го скенира QR-кодот со својот „главен“ мобилен телефон за да користи друг уред како придружен.
Во моментов WhatsApp не поддржува повеќекратни симултани најавувања, а моменталната функција за поврзан уред на WhatsApp им овозможува на корисниците да поврзат компјутер како секундарен уред. Оваа функција беше воведена во ноември 2021 година и е достапна за корисниците на Android и iOS.
WhatsApp исто така планира да додаде нови емотикони како брзи реакции на статусите на десктоп верзијата. Емотиконите вклучуваат насмеано лице со срца наместо очи, лице со солзи радосници, лице со отворена уста, раце во аплауз, скрстени раце, 100 поени, расплакано лице и други.