Xiaomi произведе нов концепт-смартфон кој има таканаречен waterfall екран и нема ниту еден приклучок.
Xiaomi е позната по достапните и конкурентни паметни телефони на пазарот, но исто така ја покажува својата сила со некои навистина амбициозни дизајни. Компанијата сега го привлече вниманието со таканаречениот waterfall екран кој се протега преку сите четири рабови на смартфонот.
Ова е концепт што може да биде полн погодок сега кога флексибилните панели станаа вообичаена појава. Xiaomi наведува дека било голем предизвик да се произведе закривен панел поврзан со екранот под него и дека дошле до успешен резултат по неколку илјади обиди.
Новиот уред нема физички копчиња или приклучоци затоа што Xiaomi се потпре на своите 46 патенти и алтернативи како што се сензори чувствителни на притисок и флексибилна акустична технологија на екранот што го менува стандардниот звучник.
Недостаток на USB-C приклучок значи и безжично полнење.
Експериментирањето на Xiaomi со различни решенија е јасен показател за тоа каков смартфон се подготвува за иднината.
Веќе подолго време се шпекулира дека Apple исто така има намера да ги исфрли сите приклучоци од линијата iPhone.
