Јувентус синоќа им го приреди првото разочарување на своите навивачи во новата сезона откако одигра само 0:0 со Сампдорија, а една акција од овој натпревар стана вирална.
На социјалните мрежи дури и се шегуваат дека наместо да гледате хајлатс од целиот натпревар доволно е да ја погледнете оваа акција на фудбалерите на „Старата дама“ за да ви стане јасно каков бил натпреварот, особено првите 45 минути.
Во фамозната акција Јувентус тргнува во напад преку одбранбените играчи, кај кои очигледно нема јунак што ќе ја изнесе топката, па тие цело време си ја враќаат еден на друг. Кога конечно по речиси 50 секунди еден се решава да тргне во напад, ама со долг дегажман, играчите на Сампдорија веднаш успеваат да им ја одземат топката.
Сепак, далеку од тоа дека оваа акција ги отсликува случувањата на теренот. На натпреварот имаше шанси на двете страни: Сампдорија погоди пречка, Јуве имаше поништен гол поради офсајд, а сето тоа може да се погледне на официјалниот хајлајтс:
