Први проблеми за македонската фудбалска репрезентација во пресрет на натпреварите од новата сезона на Лигата на нации против Ерменија и Грузија. Стандардниот голман Столе Димитриевски е позитивен на COVID-19 и отпаѓа од тимот.
Димитриевски доцна синоќа требаше да пристигне во Македонија, но сепак не се ни качил на авионот. Пред поаѓањето го добил резултатот од тестирањето на коронавирусот, а тестот бил позитивен.
Тоа значи дека селекторот Игор Ангеловски остана со двајцата резервни голмани кои заедно немаат ниту минута одиграно во репрезентацијата. Да потсетиме, на списокот не го стави Давид Митов Нилсон, стандардниот голман на норвешки Сарпсборг 08.
Ангеловски накнадно ќе извести дали ќе повика замена за Димитриевски.