Авионот со кој германските репрезентативци се враќаа од гостувањето во Исланд во рамки на мундијалските квалификации ноќеска неочекувано слетал во шкотскиот град Единбург, соопшти попладнево Фудбалската федерација на Германија (ДФБ).
„Сè помина мирно, на многу професионален начин“, наведе ДФБ без да ги објасни причините за менувањето на планот, само напоменувајќи дека слетувањето било направено поради претпазливост. Потоа додаде дека во Единбург се вршела проверка на едниот мотор.
Германија, која се наоѓа во нашата квалификациска група, синоќа го совлада Исланд со 4:0 во Рејкјавик со што се зацврсти на лидерското место во групата Ј.
Авионот изнајмен од литванската чартер компанија KlasJet требало да пристигне денеска во Франкфурт во 5:50 часот, а според соопштението од ДФБ, друг авион изутринава полетал од Германија за Единбург за да ја врати дома репрезентацијата.
Капитенот Мануел Нојер, Серж Гнабри и Јосхуа Кимих не биле во авионот кој слетал во Единбург, бидејќи тројцата планирале претпладнево да се вратат со директен лет за Минхен.