Barbie штотуку собори уште еден рекорд на киноблагајните. Овој пат го надмина The Dark Knight на Кристофер Нолан.
Според Variety, филмот на Грета Гервиг имаше најдобра продажба во понеделникот на киноблагајните од сите Warner Bros. филмови, заработувајќи неверојатни 26 милиони долари. Ова го надмина претходниот рекорд на The Dark Knight од 24,6 милиони долари од 2008 година. Barbie исто така влезе во топ 15 кинопонеделници на сите времиња.
Филмот досега има заработено 188 милиони долари на американскиот бокс-офис и 194,3 милиони долари ширум светот, со што вкупната сума на глобално ниво е 382 милиони долари само во првата недела.
Barbie го имаше и најголемиот премиерен викенд на годината со 162 милиони долари, надминувајќи го Super Mario Bros. кој заработи 146 милиони долари во првиот викенд во април.
Филмот моментално има 90 проценти позитивна оценка на Rotten Tomatoes и е пофален од филмската критика. Кристи Лемир од RogerEbert го нарече филмот „блескаво достигнување“ и „визуелна гозба“, додека Чендлер Левак од Globe and Mail рече дека тоа е „магистерска теза за феминизмот и хаос од типот на Остин Пауерс“.
Џејн Кроутер од Total Film рече дека Barbie „размислува надвор од рамките“, а Ричард Ропер од Chicago Sun-Times го смета за „еден од најпаметните, најсмешните, најслатките, најпроникливите и најзабавните филмови во годината“.