Филмот Barbie во режија на Грета Гервиг достигна рекордни 1,03 милијарди долари за помалку од три недели.
Гервиг на тој начин стана единствената жена режисер која самостојно режирала филм кој надминал една милијарда долари приход, пишува CNN.
Аналитичарот Пол Дергарабедјан во интервју за CNN откри дека таквата заработка не е изненадувачка, со оглед на целата маркетинг кампања за филмот.
„Маркетиншката кампања за Barbie започна верижна реакција што доведе до додавање на зборот Barbenheimer во популарниот речник бидејќи Oppenheimer имаше премиера истиот ден, па знаевме дека нешто многу посебно и уникатно ќе доведе до исход што е подобар за филм од очекуваното, како во првиот викенд од прикажувањето, така и во текот на светското прикажување“, рече Дергарабедјан.
Дури и Марго Роби, продуцентка на филмот и главна актерка, успеа да го предвиди успехот на Barbie кога побара од студиото Warner Bros. да го одобри снимањето на филмот.
„Мислам дека им кажав дека ќе заработи милијарда долари, можеби малку претерав, но моравме да го снимиме тој филм“, изјави Роби во едно неодамнешно интервју.
Рекордните приходи беа поттикнати од успехот на некои од најголемите светски пазари, кои ги вклучуваат Обединетото Кралство, Мексико и Австралија. Филмот беше успешен и во Кина, која е втор најголем пазар по САД.
Филмот Barbie е на редовен репертоар во киното Cineplexx во Skopje City Mall.
