Капитенот на фудбалската репрезентација на Босна и Херцеговина, Един Џеко, на фантастичен начин дебитираше на официјален натпревар за Фенербахче.
Првиот настап го забележа во победата од 5:0 над молдавски Зимбру во 2. коло од квалификациите за пласман во групите од Конференциската лига.
Џеко веќе играше за Фенербахче и постигна голови, но само на подготовките на пријателските натпревари. Синоќа првпат имаше можност да се покаже пред своите фанови и тоа успеа да го направи во најдобро светло. Тој постигна гол и додаде две асистенции во одличниот настап.
Реваншот се игра за една недела во Кишињев, а веќе е јасно дека Фенербахче ќе игра во третото прелиминарно коло од Конференциската лига. Тренерот Исмаил Картал за возврат ќе има луксуз да одмара играчи, па не се очекува нов настап на Џеко.