Кошаркарите на Денвер Нагетс на домашен терен го победија Портланд Треил Блејзерс со 122:113, а српскиот центар Никола Јокиќ одигра уште една одлична партија остварувајќи нов трипл-дабл учинок.
Денвер малку подобро го отвори натпреварот и уште на самиот старт поведе. По првата четвртина предноста изнесуваше само 3 поени (34:31), за до полувремето домашната екипа да има водство од 6 поени, иако во одредени моменти изнесуваше и малку повеќе (73:67).
Во третиот период Денвер за првпат стигна до двоцифрена предност и благодарение на тоа успеа целосно да го контролира натпреварот и на крајот да победи.
Најефикасен во победничкиот тим беше Никола Јокиќ, кој натпреварот го заврши со 36 поени, 12 скока и 10 асистенции, со што забележа нов трипл-дабл учинок, додека кај поразениот тим се истакна Лилард кој постигна 44 поени.
Ова беше седма последователна победа за Денвер, кој останува лидер во Западната конференција со скор 31-13, за една победа пред Мемфис Гризлис, кој пак има натпревар помалку и е во подобра серија од 10 победи во низа.
Резултати:
Милвоки Бакс - Торонто Репторс 130:122
Сан Антонио Спарс - Бруклин Нетс 106:98
Денвер Нагетс - Портланд Треил Блејзерс 122:113
Лос Анџелес Клиперс - Филаделфија 76ерс 110:120
Табела:
