Фиорентина соопшти дека има шест нови луѓе во клубот кои се заразени со новиот коронавирус, меѓу кои тројца фудбалери.
Италијанскиот клуб ја соопшти веста по првиот круг тестирања, откако Серија А наложи сите клубови да го тестираат персоналот, стручниот штаб и играчите пред да се вратат на тренинзи.
Откако биле потврдени позитивните резултати на тројцата фудбалери и тројцата членови на персоналот, тие заминуваат во 14-дневна изолација.
За потсетување, Фиорентина во екот на пандемијата со COVID-19 соопшти дека фудбалерите Патрик Кутроне, Херман Песела и Душан Влаховиќ се позитивни на вирусот, а во почетокот на април беше соопштено дека се излечиле и дека нивните тестови биле негативни.
Веста следи откако и Торино пријави заразен фудбалер.