Принова на пазарот на блиндирани возила.
Некои ќе речат дека со оглед на цената, Golf сега припаѓа на ексклузивното друштво на скапи автомобили, управувано од богатите, па не треба да чуди што се нуди и блиндирана верзија.
Сепак, работите стануваат појасни кога ќе кажеме дека блиндираниот Golf го нуди јужноафриканската компанија Armormak.
Редизајнираниот Golf може да издржи напади од повеќето пешадиски оружја кои вообичаено се користат за време на напади и обиди за киднапирање. Тоа е ниво на заштита Б4, кое обезбедува основна заштита од куршуми од пиштол и од сачми.
Посебно е интересно што автомобилот по модификацијата тежи само околу 180 килограми, така што нема премногу последици кога се во прашање перформансите, а не се потребни ниту модификации на суспензијата и сопирачките.
Најдобро од сè, автомобилот изгледа како обичен Golf без „оклоп“ и како таков не се истакнува на патот.
Преработката вклучува замена на сите прозорци со специјално балистичко стакло, додека страничните панели, покривот, лавиците и задните седишта се покриени со заштитна балистичка ткаенина.
Автомобилот е опремен и со радиосистем.
Конечно, цената. Блиндираниот Golf 8 GTI, придвижуван од 2.0 TSI мотор со 241 КС и 370 Nm, чини околу 100.000 евра со целата опрема.
