Голманот на македонската фудбалската репрезентација Столе Димитриевски откри дека репрезентацијата на Германија не му честитала нему и на неговите соиграчи за големата победа во квалификациите за СП 2022 во Катар.
Македонија ја победи Германија со 2:1 во 3. коло од групата Ј во Дујсбург. Така стана првата репрезентација што ја победила Германија во квалификациите за СП по 35 натпревари.
Не нѐ сфатија сериозно
Поразот беше толку тежок за Германците, па дури и не им го честитаа на македонските фудбалери сензационалниот триумф. Горан Пандев и Елиф Елмас погодија за победа, помогнати од капитенот на Динамо, Аријан Адеми.
„После голот на Пандев, мислеа дека ќе победат затоа што се Германија. Мислам дека не нѐ сфатија сериозно. Особено медиумите. Израмнија по пеналот и судијата им го прости на пеналот што го направи Емре Џан. Ама потоа заби Елмас и тоа беше фатално за нив. Дури и не ни ја честитаа победата. Тоа според мене не е во ред“, рече Димитриевски за Marca.
Нашата репрезентација сега има шест бода и е втора во групата зад Ерменија, која има максимални девет. Следат Германија со шест, по што следуваат Романија (3), Исланд (3) и Лихтенштајн (0).
Кога судијата свирна крај, не ни се веруваше
„Тоа е лудило. Неверојатно. Кога судијата свирна крај, не ни се веруваше. Резултатот не изгледаше реално. Тоа беше наш момент. Најголемата победа за нашиот тим“, рече македонскиот голман.
Димитриевски верува дека неговата репрезентација ќе се бори за пласман на Светското првенство до самиот крај, и нагласи дека на претстојното ЕУРО ќе има „нагазна мина“.
„Ќе бидеме нагазна мина на ЕУРО. Сигурен сум“, рече тој.
„Рисовите“ на ЕУРО ќе играат во групата Ц против Австрија, Украина и Холандија.