Американската компанија Hennessey го претстави своето најголемо возило досега, а тоа е пикап со шест тркала кој развива 1.000 КС.
Станува збор за моделот Hennessey Mammoth 1000 6x6, кој е базиран на TRX Frame. Долг е 7.190 mm, висок 2.133 mm и широк 2.235 mm.
Огромниот пикап е придвижуван од моќниот 6,2-литарски Hellcat V8 мотор со суперполнење, чија моќност е зголемена на 1.000 КС, или повеќе од 300 КС во споредба со стандардниот модел. Исто така, вртежниот момент е зголемен на 1.314 Nm.
Mammoth доби поцврсти браници и LED светла.
„Сè на Mammoth 6x6 е поголемо и поимпресивно, а сепак е многу брз додека е исклучително моќен на оф-роуд терени. Тој е крал на патиштата“, рече основачот и извршен директор на компанијата, Џон Хенеси.
Цената на Hennessey Mammoth 1000 6x6 се движи од 449.950 долари па нагоре и го вклучува донаторот Ram TRX, а годишно ќе се произведуваат само 12 автомобили.
Mammoth е третиот и најмоќен пикап модел на Hennessey со шест тркала, кој пристигнува по VelociRaptor 6x6 базиран на Ford Ranger со 600 КС и Goliath 6x6 Silverado базиран на Chevrolet Silverado кој испорачува 800 КС.
