Израел има значителни енергетски амбиции, па затоа е наредено сите нови нестанбени згради да имаат соларни панели на покривот, што ќе ѝ помогне на земјата да ги постигне своите цели за обновлива енергија.
Намерата е да се задоволи брзорастечката потреба на населението од електрична енергија.
Иако Израел има доволно сончева светлина, нејзиниот опсег е премногу мал за да се потпре на традиционалните копнени фотоволтаични електрани. Ветерната енергија и хидроенергијата исто така не се опции за нацијата.
Рон Елфер, шеф на одделот за одржлива енергија во Министерството за енергија, изјави за Ројтерс дека Израел е силно зависен од сонцето како обновлив ресурс, но нема земја за соларни фарми.
Поради ова, земјата заостанува зад планираната реализација на нејзината амбициозна цел до 2030 година да добие 30 отсто од електричната енергија од обновливи извори.
„Мораме да преземеме некои драматични чекори“, рече Ајфер.
Чекорите вклучуваат владина наредба, која ќе стапи на сила за 180 дена, со која се бара сите нови нестанбени згради да бидат опремени со соларни панели на нивните покриви. Минатиот месец беше усвоен предлогот за донесување на државниот буџет.
Израел веќе докажа дека таквите иницијативи можат да успеат. Владата пред 10 години побара од населението да користи бојлери на соларна енергија, а денес ваквите бојлери трошат 8 отсто од електричната енергија.
За жал, повеќето комерцијални соларни полиња во Израел се изградени во јужната пустина Негев, далеку од најголемите и најнаселените градови.
„Покрај губењето на електричната енергија при транзит од долги растојанија до центарот на земјата, важно е да се одржуваат отворени простори. Не можете само да ја покриете целата пустина со соларни панели. Затоа ни треба повеќе соларна енергија каде што има поголема побарувачка за електрична енергија, која доаѓа од соларни панели поставени на покриви и кои имаат двојна намена“, рече Ајфер.
Тој додаде дека околу 60 отсто од новите панели ќе имаат двојна намена, ќе се користат како покриви, а ќе произведуваат и енергија.
