Никола Јокиќ му одржа лекција по кошарка на Виктор Вембањама и ги предводеше Денвер Нагетс до победа од 132:120 над Сан Антонио Спарс.
Против најталентираниот играч на светот, Јокиќ постави нов личен рекорд за сезоната со 39 поени, а му недостигаше една асистенција за нов трипл-дабл учинок.
Српскиот центар имаше 11 скока и 9 асистенции и беше нерешлива енигма за одбраната на Сан Антонио.
Против Јокиќ, Вембањама покажа зошто е најталентираниот играч на светот, завршувајќи го мечот со 22 поени и 11 скока, а по мечот, Јокиќ имаше само пофалби.
„Има само 19 години, нормално е да греши. Но, сигурен сум дека ќе ја промени оваа игра. Само опуштете се и уживајте во неговите потези", изјави Јокиќ за Вембањама.
Од останатите натпревари одиграни синоќа вреди да се издвојат победата на Милвоки над Портланд 108:102 благодарение на 33 поени, 16 скока и 6 асистенции на Јанис Адетокунбо и триумфот на Бостон над Атланта 113:103 со 34 поени и 9 скокови од Џејсон Тејтум.
Њујорк - Феникс 113:116
Орландо - Шарлот 130:117
Мемфис - Минесота 97:119
Бруклин - Чикаго 118:109
Кливленд - Торонто 105:102
