Без разлика колку ви е убаво во врската, чувството дека токму со тој човек сакате да го поминете цел живот не се јавува така лесно. Напротив, тоа чувство е резервирано за ретки личности. Има еден момент кога сфаќате дека тој е тој.
Неколку жени ги споделуваат моментите кога знаеле дека партнерот со кој се во моментот ќе им биде сопруг и дека дечкото е „тип за брак“:
„Кога го видов како грижливо му помага на татко му, кој е инвалид, да се смести удобно во количката, тој момент ми откри сѐ“, вели Шенон која е во брак една година.
„Се рабудив среде ноќ во неговата прегратка. Сум плачела во сонот бидејќи сонував кошмар, а тој само сакал да ме заштити и да направи да се чувствувам безбедно“, раскажува Џорџија, после четири години брак.
Ана, која е во брак една година, кажува дека најмногу ја одушевило тоа што нејиниот сопруг, кога биле дечко и девојка, секок викенд возел по шест часа во еден правец за да ја посети. По шест месеци се преселил кај неа.
„Кога почина мојот очув, тогашниот свршеник кој сега ми е сопруг, дојде да ѝ помогне на мајка ми околу административните работи за погребот. Јас само седев, го гледав и мислев дека е најтрпеливиот човек на светот. Тогаш знаев дека тој е тој“, вели Сани.
Фиона, која денес е во брак со две деца, се сеќава дека знаела оти ќе се омажи за сопругот уште на првиот состанок. Состанокот почнал ужасно: повраќала бидејќи фатила вирус, а тој ја одвел дома, ја сместил во кревет и се грижел за неа. Знаела дека е многу повеќе од „тип за брак“.