Најтешкото нешто во врска со тренинзите и вежбањето е тоа да го претворите во постојана навика, а се чини дека за да создадете рутина треба постојано да вежбате секој ден во исто време, што ќе го навикне телото да очекува раздвижување во одредени периоди на денот.
Едно истражување покажа дека луѓето кои секој ден редовно тренирале во истото време, правеле повеќе вежби секоја недела од оние кои го менувале времето за вежбање. Оние лица кои вежбале секој ден во истото време, исто така, имале поголема веројатност да постигнат препорачани 150 минути физичка активност неделно.
Се чини дека иако мотивацијата може да ве придвижи, а планот за вежбање може да ве држи на „вистинскиот пат“, посветувањето одреден период од денот на тренингот може да биде најлесниот начин да се стекнете со навика.
И покрај митот дека се потребни 21 ден за да се формира навика, истражувачите од Универзитетскиот колеџ во Лондон открија дека за време на испитувањето извршено над 96 луѓе во текот на 12 недели, во просек биле потребни два месеца за поединецот да формира ново однесување до тој степен да тоа стане автоматско за организмот.
Следејќи ја оваа логика, полесно е да се воведе нова навика за вежбање во исто време од денот - т.е. ако на пример се обидете да вежбате веднаш штом ќе излезете од работа, отколку одеднаш да промените сѐ во вашата дневна рутина. Додавањето само една нова форма на вежбање дневно како дел од вашата сегашна рутина може да биде двигател за обнова на вашата кондиција.
Одредувањето на времето за вежбање е исто толку важно како и планирањето на вашите вежби, за долгорочно да останете на вистинскиот пат. Важно е со тренингот да влезете во рутина, но тоа мора да биде во согласност со вашиот животен стил, бидејќи тоа ќе биде долгорочна промена.
Затоа, планот и рутината мора да биде реален за да можете да функционирате во вашите околности, а вежбањето во истото време од денот ќе ви помогне да ја зајакнете навиката.
Дури и ако го пропуштите предвиденото време за вежбање, најважно е да верувате во себе повеќе од планот за вежбање. Верувајте дека имате способност да бидете флексибилни дури и ако пропуштите закажана временска рамка или рутина кога вежбате нормално.
