Сакате да се здебелите, но на здрав начин? Постојат неколку намирници кои треба да почнете да ги консумирате почесто.
Можете да направите смути за само неколку минути и да ги внесете сите потребни хранливи материи во вашето тело. Направете го идеалното смути за зголемување на телесната тежина со мешање на банана, чоколадо во прав и една лажичка путер од кикирики. Истите состојки можете да го ставите на оризова плочка и тоа да биде вашиот појадок или ужина.
Ако преферирате зрнесто овошје, измешајте чаша свежи или замрзнати малини, грчки јогурт и лажичка протеински прав со вкус на ванила. Всушност, секој тип на смути ќе ви обезбеди од 400 до 600 калории, протеини и минерали.
Млекото е исто така одличен извор на протеини и помага да се изгради мускулна маса додека кревате тегови. Почнете да пиете една или две чаши полномасно млеко со секој оброк и после тренинг.
Само една чаша ориз има 204 калории и 44 грама јаглехидрати. Освен со месо, можете да го јадете со путер, пармезан, брокула или јајца.
Долго време се сметаше дека црвеното месо е една од најдобрите намирници за градење мускули. Црвеното месо содржи леуцин, амино киселина која му е потребна на телото за да ја стимулира синтезата на мускулните протеини. Но, бидејќи денес се препорачува да се намали или целосно да се исклучи внесот на црвено месо поради негативните ефекти за телото, добар избор се животински протеини од живина и риба, млечни производи, јаткасти плодови, семиња, мешунки, житарки и други извори кои обезбедуваат опсег на здџрави масти и хранливи материи потребни за оптимално функционирање.
Бидејќи јаткастите плодови се калорични, доволно е да ги консумирате во количина од само 40 грама дневно.