Шведската компанија Koenigsegg официјално го претстави својот нов суперавтомобил - CC850.
Тешко е да се поверува дека поминаа 20 години откако првиот Koenigsegg CC8 излезе на улиците, а сега излезе моделот CC850, кој изгледа речиси идентично со моделот што го постави новиот стандард во 2002 година. Сепак, сличноста застанува кај изгледот.
Детали сè уште има малку, но познато е дека CC850 е придвижуван од 5,0-литарски твин-турбо V8 мотор кој развива 1.385 КС кога работи на гориво E85. Со „нормално“ гориво испорачува 1.185 КС, додека максималниот вртежен момент е 1.385 Nm. Бројките се исти кога станува збор за тежината, бидејќи автомобилот тежи 1.385 килограми.
Споен со моторот е 9-брзинскиот менувач Light Speed Transmission на Jesko, но редизајнираната внатрешност има 6-брзински рачен менувач. Тоа не е само украс за последователни менувања на брзините, бидејќи и педалата на куплунгот му е достапна на возачот. Работата е во тоа што тоа е електронски систем. Koenigsegg го комбинираше работењето на педалата на спојката и механичките промени на брзините со менувач со повеќе спојки со 9 брзини. Резултатот е нешто што Koenigsegg го нарекува менувач TWMPAFMPC, што значи „најмоќен и најбрз сериски автомобил со рачен менувач“.
Во рачниот режим, CC850 вози како автомобил со стандарден рачен менувач, што бара спојката да се користи за менување брзини. Сепак, само шест од деветте брзини се достапни во овој режим, но специфичните брзини зависат од режимот на возење, така што во суштина сите девет се достапни, само треба да го промените режимот за да ги користите. Во спротивно, доволно е да го изберете автоматскиот режим.
Во однос на перформансите, во Koenigsegg сè уште не ги објавија деталите. CC850 е двојно помоќен од оригиналниот CC8S, но има помала моќност од Jesko. Сепак, се очекува да биде многу брз и редок, бидејќи Koenigsegg планира да произведе само 50 примероци за да го одбележи 50-тиот роденден на основачот на компанијата Кристијан фон Кенигсег. Цената ќе се знае подоцна.
Шведската автомобилска компанија Koenigsegg Automotive AB со седиште во Енгелхолм е формирана во 1994 година од Кристиан фон Кенигсег, кој е по потекло од историскиот регион Швабија во Југозападна Германија. Моторост Jesko е именуван во чест на неговиот татко Јеско фон Кенигсег, кој пак е извршен директор на JK Energiteknik.
