Да се остане мотивиран не е лесно, без разлика дали редовно вежбате веќе подолго време или само што сте почнале да вежбате. Освен што вежбањето има бенефити за физичкото и менталното здравје, многумина ги мотивира и обликувањето на мускулниот тонус. Резултатите кои ќе ги постигнете зависат од повеќе фактори, како животниот стил, типот на телото и видот на вежбите кои ги правите. На пример, оние кои почнуваат да трчаат веројатно ќе забележат подбрувања на нивниот кардиоваскуларен капацитет.
Во резултатите голема улога игра и добрата исхрана, а прехрамбените потреби се разликуваат индивидуално.
Доколку се прашувате како да ги максимизирате резултатите кога започнувате со нова фитнес рутина и колку време е потребно да направите промени, продолжете со читање.
„Доколку се фокусирате на нова програма за трчање, би требало да забележите поодбрување на кардиоваскуларниот капацитет и прилагодување на ритамот на отчукувањата на срцето во мирување во рок од неколку недели. Доколку тренирате сила, ќе мора да бидете доследни најмалку шест недели за на телото да му дадете прогресивно преоптоварување за подобрување”, вели инструкторката Ненси Бенет.
Доследноста е клучна за секој облик на вежбањето
Без обзир на тоа дали трчате или вежбате кросфит, најголемата грешка која луѓето ја прават е тоа што одат на принципот сè или ништо, а тогаш брзо ја губат мотивацијата.
Доследноста е универзална за сè. Реална цел е да се посветите на квалитетни тренинзи три до пет пати неделно. Треба да ги согледате и животните избори кои секојдневно ги правите, како на пример квалитетно да се наспиете.
Колкава улога игра исхраната?
Исхраната е важна за сите кои сакаат да почувствуваат и видат промена, а стручњаците препорачуваат да тежнеете кон урамнотежен профил на макронутриенти кој содржи мешавина на протеини, масти и јаглехидрати. Не заборавајте да пиете и многу вода.