Десет дена по премиерата, мегапопуларниот кино хит Barbie заработи неверојатни 775 милиони долари. Само во САД и Канада филмот досега има инкасирано 350 милиони долари, а се очекува заработката да продолжи да расте.
Barbie стана најуспешен филм што Марго Роби го снимила во својата кариера. Го надмина Suicide Squad, кој во 2016 година заработи 746 милиони долари.
На IMDb филмот го оценија 150.000 луѓе, а доби не баш висока оцена – 7,5. Но, интересот за Barbie во кината во светот не стивнува.
Режисерката Грета Гервиг откри дека нема да се снима продолжение на мегапопуларниот филмски хит. Во интервју за New York Times режисерката го кажа своето мислење за евентуален серијал.
„Така се чувствувам на крајот од секој филм, како никогаш да немам друга идеја и сè што сум сакала да направам, сум направила. Не би сакала да уништам нечиј сон, но за мене, во овој момент, можноста за продолжение е рамна на нула“, рече Гервиг.
