Тони Крос прослави 100 натпревари во националниот дрес, но останува скромен бидејќи и натаму важен му е колективниот успех.
Синоќа Германија ја пречека Швајцарија во рамките на Лига А од Лигата на нации, а овој натпревар беше посебен за еден германски репрезентативец, 30-годишниот Тони Крос кој го одигра својот 100. натпревар во германскиот дрес.
„Се разбира, за мене беше посебен натпревар. Да се стигне до бројката од 100 репрезентативни натпревари, тоа е убаво достигнување. Но, секој кој ме познава знае дека јас повеќе се грижам за резултатите и титулите отколку за бројот на настапи“, вели Крос.
За негова несреќа Германија не успеа неговиот рекорден настап да го зачини со победа. Противникот дури и водеше со 0:2 и 2:3, а на крајот натпреварот заврши 3:3.
„Нашиот проблем беа првите 10-15 минути. Потоа игравме добро и ја подобривме нашата игра во однос на претходниот натпревар. На крај не сме задоволни со освоениот бод бидејќи нашата цел беше да победиме“.
